សមាគមGS1កម្ពុជា (GS1 Cambodia Association) គឺជាសមាគមមិនស្វែងរកប្រាក់ចំណេញ ត្រូវបានតែងតាំងឡើងដោយGS1 អន្តរជាតិដើម្បីគ្រប់គ្រងការប្រើប្រាស់លេខបារកូដ និងដើរតួនាទីសំខាន់នៅកម្ពុជា។ សមាគមGS1កម្ពុជា​ ត្រូវបានបង្កើតឡើងនៅថ្ងៃទី ២៧ មិថុនា ២០០៣ ស្ថិតនៅក្រោមការគ្រប់គ្រងរបស់សភាពាណិជ្ជកម្មកម្ពុជា។

សមាគមGS1កម្ពុជា បានចូលរួមចំណែកក្នុងសង្គម ក្នុងការអភិវឌ្ឍន៍ប្រព័ន្ធទំនាក់ទំនងសកល ដើម្បីជម្រុញអោយមានប្រសិទ្ធិភាពដល់ការគ្រប់គ្រងបែបអេឡិចត្រូនិច។​ ប្រព័ន្ធ GS1 (បារកូដ) បានផ្តល់ជូនដល់ អង្គភាពជាសមាជិកជាងមួយលានអង្គភាពនៅជុំវិញពិភពលោក និងបានផ្តល់ជូននូវសេវាកម្មដល់ អង្គភាពជាសមាជិកជាង ១២០ ប្រទេស។

ក្នុងនាមជាសមាជិកនៃសមាគមGS1កម្ពុជា សមាជិក​​​​នីមួយៗនឹងអាចឈានជើងចូលរួមក្នុង​សហគមន៍​ពាណិជ្ជកម្មអន្តរជាតិ ដោយបន្តការប្រឹងប្រែងធ្វើអោយប្រសើរឡើងដល់ដំណើរការធ្វើពាណិជ្ជកម្ម ពោលគឺជម្រុញអោយការធ្វើពាណិជ្ជកម្មប្រកបដោយប្រសិទ្ធភាពខ្ពស់ ប្រាក់ចំណេញកើនឡើង និងការ​ពេញចិត្តពីអតិថិជន។